Gwaro reIni Newe
Ini Newe/Mina Lawe igwaro rinoburitsa nyaya dzakasiyana siyana, dzinoenderana nenguva ne nzvimbo dzatinorarama kunyanya kumaruwa nemaPeri Urban. Nyaya idzi dzakanangana nekusimudzira madzimai anowana mari shoma. Gwaro redu ndiro rekutanga kunyora nyaya dzakadai mundimi dzeChishona nechiNdebele, kuti rikwanise kuverengwa nekunzwisiswa neveruzhinji.
Tinonyanyo nyora nyaya dzebudiriro, kuenzaniswa kwemikana pakati pevanhurume nevanhukadzi, dzenharaunda, dzekurudziro, kusimudzira,dzehupfumi nedzimwewo dzinobatsira kuvandudzwa kwemunhukadzi, nharaunda nenyika yese.
Tinoshanyira maruwa nedzimwe nzvimbo dzeZimbabwe tichitapa nhau dzatinozonyora mugwaro redu. Vanyori vedu vane hunyanzvi hwakadzama hwekupepeta nyaya dzinobva kumatunhu enyika, vachizonyora zvinoverengeka. Tinopa mukana wekunzwikwa kumadzimai ose muZimbabwe pasina kutarisa kwavanobva. Tinonyorawo zvakare zvemitambo, zvekuvaraidza nedzimwe nyaya dzinofadza dzisina kunyanya kudzama kuita kuti vaverengi vedu vawane mufaro.
Vaverengi vedu
Takanyanyonangana nemudzimai ane makore 16-70 anoda kusimudzirwa nekubudirira kuburikidza nekuverenga nyaya dzebudiriro dzemamwe madzimai emuno muZimbabwe. Tinonyorawo nyaya dzevana nevarume, nekuti vanogarawo munharaunda nemadzimai.
Maererano Nesu
Ini Newe/Mina Lawe iboka rekugoverana, kutauririna nekupanana mashoko riri chitubu cheruzivo, communication platform muchirungu, rakanangana nemadzimai kunyanya aya anowana hupfumi hushoma achigara kumaruwa nenzvimbo dziri pedyo nemadhorobha maperi urban. Boka redu rinoda kubatsira kuunza budiriro yemudzimai semunhu, nharaunda yaagere nenyika yese, kuburikidza nekufambiswa kwemashoko. Tinounza nyaya dzebudiriro, dzekuenzaniswa kwemikana pakati pevanhukadzi nevanhurume, dzehupfumi, nedzimwewo dzakawanda, dzinounza pundutso. Tinoziva kuti munhukadzi akabudirira, zvinopa budiriro kumhuri nenyika, nokudaro tichanyanyonangana nenyaya dzemadzimai. Dodzvo redu nderekupa mashoko etariro kumadzimai nenharaunda kuburikidza nenyaya dzinosimbisa dzinotaurwa nevamwe varikurarama mazviri.
Tinoshuvira kushandura mafungiro evose vachasangana nenhaurirano dzedu, paplatform ino yeIni Newe/Mina Lawe. Tinoda kuti vaverengi vedu vashanduke mafungiro, vagovenetariro mhenyu yekurarama zvisi nei nekuti ndeverudzi rwupi. Gwaro redu huru reIni Newe/Mina Lawe magazine rakanyorwa muchiShona nechiNdebele kuti rigosvika mativi mana enyika.
Tinoda kuti mafungiro nemazwi evanhukadzi nenharaunda dzavagere zviumbe nhaurirano yenyika zvichizokonzera budiriro munyika. Ini Newe/Mina Lawe, rine vatori venhau vanehunyanzvi nevanopepeta nhau zvechizvino zvino, avo vachakuunzirai nhau dzinobva kumaruwa nekune avo vachiri kubudurira, varume nevakadzi vemuZimbabwe.
Muono Wedu
SeIni Newe/Mina Lawe tinoshuvira kuona nharaunda yevanhurume nevanhukadzi vaneruzivo, vanoita zvakanakira munhu wese, vachishandira pamwechete kuti vagowana budiriro nepundutso izere.
Donzvo Redu
Tinodakupa madzimai nenharaunda izwi munhaurirano dzekupepetwa kwenhau kuburikidza nezvirongwa zvakanangana nevanhu, kuenzana kwemikana yevanhurume nevanhukadzi vachitaura nezveupenyu hwavo nebudiriro yenharaunda tichishandisa nzira dzekare nedzemazuvano dzekuburitsa nhau.
Tichakwanisa kuona budiriro yeDonzvo redu kana paitika zvinotevera:
- Nhau dzinotapwa kubva kuvanhu chaivo vemuZimbabwe kunyanya vanobva kumaruwa nekudzvimbo dzakapoteredza madhorobha.
- Madzimai ekumaruwa nevemunharaunda nevekumaperi-Urban vachitaura nyaya dzavo kuburikidza nenhau dzemapepa nedzemawairesi nezvivhiti vhiti.
- Kuumba hukama nevamwe vanemafungiro seedu kuti dodzvo redu ribude.
- Tichashandisa mitauro inoti, Chirungu, Chindevere neChishona paIni Newe/Mina Lawe platform.
- Tichaongorora nekutarisa kukura kweplatform yedu yenhaurirano yeIni Newe/Mina Lawe tichishandisa zviyero zvekuongoro zvinyorwa zvemunyika ino nezvedzimwe nyika dzakatipoteredza nedzemhiri kwemakungwa.
Zvatinokoshesa
- Chokwadi
- Kusasarura ganda kana rudzi
- Zvakaringana
- Zvakanakira munhu wese
- Kuringana kwehukama pakati pevanhukadzi ne vanhurume
- Hutsvene
- Rukudzo
- Kuvimbika
- Kuva pamhene
- Kuyemura musiyano
Vatinobatanavo muBhizimusi
Ini Newe/Mina Lawe iboka risina kurerekera kunezvematongerwo enyika rinoshuvira kuona nharaunda yevanhurume nevanhukadzi vaneruzivo, vanoita zvakanakira munhu wese, vachishandira pamwechete kuti vagowana budiriro nepundutso izere. Tinoshuvira kushanda nevamwe vanepfungwa dzakafanana nedzedu vanoda kuona madzimai achizvimirira munyaya dzeupfumi uye vanoda kuti muono wedu ucherechedzwe.
Tibatei
Ndapota shandisai form rino kana paine zvamunoda kuziva.